Haron
Ginhawa ko ka tihin-tihin
Magsulod sa inyo solar
hay basi malapakan ko kag magkulas
ang mga laya nga dahon ka santol
kag ibanghol ko kang ayam nyo nga si Tagbalay.
Dayon ko diretso kag magpaslipud sa guba nga kamalig.
Ginhawa ko pa ka hikap-hikap
ang mga kinadtan ka lamok
antes kaw gawa mag abot.
Nami gid ang lingling kang bulan
sa lusbot nga atup kang payag
kang ako imo ginharkan
kag ginsabay sa kubyal kang pagbinayle kang gugma.
Ibaylo ko gid ang bisan pulo ka lum-uk nga ulunan
mag ulon lang sa imong mainit kag mahamkul nga butkun.
ginbaylo ko ang marahalun nga baratangan
sa gusbat nga banig hay ikaw ang akon hulid
Handum ta pa kon raad, may sara pa gid
ugaring nagmalo run ang imong mga burulang nga sulog
Kinanlan ko ruman manglihid paguwa
Kag ihatud kang imong turuk pauli.
Hasta san-o ayhan nga magakitaay ang aton mga haron sa tungang gab-i?
Maluoy kaw, patya na lang ako, kon indi kaw run.
Mayad Pa
Mayad pa ang panit mo nga backpack
Adlaw-adlaw nagasakay sa likod mo
Ako tana, kang sarang bulan pa nag untat
Aba-aba kanimo rugto sa may Fish Bukid
Mayad pa ang Management nga libro
Ginahakus mo aga-hapon
Hay kato anay, balikawang ko
Ang indi mo pagbuy-an hasta magsirum
Mayad pa gid ang Lotus nga ballpen
Hugot gid ang imo kaput
Kaangay kang paghimil mo sa nga tudlo ko
Kon magdapitay kita paagto sa Miag-ao Church.
Tapuranga kag Rosal
Manaya-naya man raad ako
sa idalum kang sirak kang adlaw
ugaring kon mag abot ang sirum
rugto timo sa Rosal hay indi run takun kit-anun
kon pinsarun, kaanggid lang man kami
nga may duga kon sasaun ka tarawis nga bato
nagalaway pa tani gani akon duga
Ay gali dya hay ang rosal
may gapabilin gid nga kahamot
sa imong dughan…
—–
I can’t forget Dr. Leoncio Deriada’s opinion about this poem. He said this is an attempt of forced symbolism. I admit, I couldn’t argue with him. I wrote this during our college poetry class. Eventually, those practice of forced symbolisms brought little success on my other poems.
Askal
Gin ugtas gid ko pagbasa ko kay John Irving sa libro na nga “The Fourth Hand.” Na mensyonar sa parte kang istorya nga nadura ang maleta kag mga karga kang bida sa eroplano, kag nagtalang nga nadiskarga sa Pilipinas imbes nga idar-un sa ensakto nga destinasyon. Hikay timo nga pagbalik ka karga ka bida kuno, pangsot kag buta ka ihi ka Filipino Dogs. Anu tani John Irving? Kid-ana man magpangita ka example. Daw wara man ko te may nakita nga askal nga security dogs sa airport.
Suno sa online budget travel guide nga sleepinginairports.net, ang NAIA Terminal 1 ang world’s worst airport. Ang masakit nga kamatuoran naghalin man sa mga reklamo ka mga online readers nga kuno sobra ka mahigku ang mga kasilyas, takaw ang mga trabahante, kag galinigapok lang kon madagdag ang mga kisame ka airport sa kagabukon na (Smh.com.au).
Ang amo nga balita kang 2010 ginsapubliko samtang ang nobela ni John Irving kang July 3, 2001 na gin ubra. Gapatimaan lang nga halin kauna, kon kay sin-o na run nadarawat nga ang airport ka Pilipinas tam-an ka sayud. Mayad lang hay imbes nga magligid sa kaugut ang gobyerno, ginhimo da dya nga panghangkat sa anda nga tagdumarahan. Ambay, daw laban lang man sa hambal nga dispis, himuon ta dya, ubrahun ta to, daw utang lang man nga nalista sa tubig kon mag alimunaw ang mga hinambalan ka natungdan.
Ginbalita sa Inquirer.net kang January 11, 2011, nga una nga nakalapak sa Pinas si John Irving, haros pulo ka tuig pagkatapos na gin ubra ang nobela nga naghalin sa haum-haum.
Kabay pa nga nahaylo man ang ana pinsar pag agto na sa Ilocos kag Palawan. Man-an ko, suya gid si John Irving sa patakaran ka airport sa pungsod ta. Kag suya gid sa mga Pinoy, bukon sa mga askal. Maan dulang.
Sekyu (para kay Leslie)
Nagatirik gid akon mga mata
Dara hikap-hikap ka akon ginataklus nga rebolber
Sa gilayon, panilag ka paguwa-pasulod
Nga mga tikang sa Landbank
Ugaring kon maglabay si Princess
Ay abaw, katam-is magtinir sa bilibid.
MVCS
2006
Igma Imaw kay Inday (para kay Ate Donna)
Samtang nagabukod, binayaan ko akon purungkuan
Kag magdara-dapiring sa ingud mo.
Nanamian gid ko maglantaw ka kada timo mo
Ang tanos mo nga mga tudlo
Nagalambidan sa tinidor kag warat lagting
Kada magpudyot ka panakot ka chopsuey.
“Day, sa pamatyag mo makit-anay pa kita pagkatapos ka seminar ngadya?”
“Ambay.”
“Day, nahadlukan kaw haw kanakon?”
“Day, indi kaw magkahadlok kanakon.”
“Day, pwede ta ka inom softdrink kar-on bisan sa tyangge lang sa sagwa?”
“Indi.”
Ice Broke
I can’t end my day without browsing through what’s happening with my Facebook friends; their latest hobbies; their latest vacation; their shoutouts, etc. These are the reasons why there’s more fun in Facebook:
“Para kang aso, wala kang BREADING, kaya di kita papatulan!”
“I’m getting married soon. My boyfriend, he was proposed me!”
“It’s really hurt to be deceive by someone I love!”
“Is need more time to unwind!”
“Mandatory overtime is really sucks!!”
“Preparing myself for what happen in the future…”
“You don’t need to act like somebody because you are still nothing to me!”
“I can’t hardly move my back!”
“If you can’t understand a simple thoughts, don’t react so badly, instead you ask first. You might misinterpret that…”
“Im found you, I win!”
“Mind you’re own business!”
“I dont wanna be disturb and distract ok!”
“Still thinking what’s the best things to do. Do I have to pass my resignation now or wait for them to get me terminated?”
“Look yourself before you judge the others! You might look worst than them… Fuck the fuckin’ asshole!”
“Having someone especial in our lives can make us very happy and inspired us all the time…”
“Some people might judge you at first meet, but have they ever thought that being judgemental is one way of showing ignorant? Make sense. Just my opinion.”
Are you having fan? lol
